वालिङ नगरपालिका स्थानीय तहमा परिवर्तन भएलगत्तै आएका केही प्रक्रियागत समस्याहरुप्रति क्षमा चाहन्छौ | वडा कार्यालयहरुमार्फत हुने कामहरु सम्बन्धित वडासचिवहरुमार्फत नै गर्नुगराउनुहुन अनुरोध छ ।

 

वालिङ नगरपालिकाको संक्षिप्त परिचय

आधीखोलाको किनारमा सिद्धार्थ राजमार्गको दायाबायामा अवस्थित २८० पूर्वी देशान्तर र ८३.४५० उत्तरी अंक्षास विच समुन्द्र तटबाट उचाई ७१३ मिटर देखि १५९६ मिटर रहेको वालिङ, धनुर्वसि र पेखुवाघखोर गा.वि.स. संयुक्त गराई मिति २०५३/१०/११ गतेमा ११ वडामा विभाजित २०५९ को तथ्यांक अनुसार २०४१४ जनसंख्या रहेको क्षेत्रफल १२४९५.४० हेक्टर ओगटेको वालिङ बजारको नामबाट अंकित वालिङ नगरपालिकामा ब्राहम्ण, गुरुङ, मगर, ठकुरी, क्षेत्री, नेवार, खवास, विश्वकर्मा,दर्जी, सन्यासी, कुमाल समेतका जातीहरुको बसोवास छ । गह्रौकोट कालिका मन्दिर, घयाङलिङ,वाहुनथान, थामकोचौ र जस्ता धार्मिक तथा पर्यटकीय महत्वपूर्ण स्थलहरु रहेका छन् । वालिङ, तल्लो वालिङ, भुम्रे, भकुण्डे, मिर्दि, रामवाच्छा, त्रियासी, खहरे जस्ता बजारहरु दैनिक उपभोग्य वस्तुहरुको मुख्य बजार छन् । पर्वतको पश्चिमी क्षेत्र र छिमेकी गाविसका मानिसहरुको बढी व्यापारिक केन्द्र रहेको यस वालिङ नगरपालिकामा इलाका स्तरका सरकारी कार्यालयहरु, संघसंस्था, केन्द्रिय स्तर र शाखा स्तरका वित्तिय संस्थाहरुबाट नगरवासी तथा अन्य क्षेत्रका मानिसहरुले सुविधा लिई आएका छन् । साथै धर्मसँग सम्बन्धित संघसंस्थाहरुले पनि सेवा पुर्याई आएका छन् । स्थानीय स्तरबाट उत्पादित कच्चा पदार्थ साथै वाह्यबाट ल्याएको कच्चा पदार्थमा संचालन गरिएका घरेलु उद्योगहरुको साथै वालिङ न.पा. वडा नं. ८, ७ र वार्ड २ मा कृषि अन्तर्गत नगदे वालीको रुपमा तरकारी खेती उत्पादनको विशेषता रहेको छ । वालिङ बजारको छेउबाट वगिरहेको पौराणिक लेख अनुसार पवित्र आधीखोलाको पानीलाई (जल) सम्पूर्ण नगरवासीहरुको सहयोगबाट प्रदुषणमुक्त गराई तालको रुपमा ल्याउन सकेको खण्डमा यस वालिङ नगरपालिका ताल रहेको नगरपालिकाको रुपमा रहने र पर्यटकीय विकास हुन सक्ने बढि सम्भावना बोकेको छ ।